一個人的午餐 @ 銅鑼灣

有時候一個食午食真係唔知可以食啲乜，叫得太多又唔食哂，叫得太少又唔夠喉。所以當一個人去食午餐嘅時候，我通常都會選擇食麵，由其是我呢啲唔揍米器嘅，食得又唔算多嘅人，一碗麵就剛剛好喇。

但大熱天時，仲要我呢啲發熱壓嘅，再食碗熱呼呼嘅麵入口，你都未話唔攞命。
前排見到大少奶個 blog 介紹 Rasuperman 嘅夏日麵祭有幾款冷麵，一直都已經心絲絲想去試，難得過去銅鑼灣，一於去試吓。

第一次先試呢個牛肉精華冷麵，佢嘅牛肉係超淋架，入口嘅時候我仲諗緊係唔係真係牛....咁淋嘅！

再食佢嘅麵，好清涼...同一般嘅冷麵好唔同，一般嘅冷麵入口好似無乜味道，但佢有酸酸同清涼嘅感覺，完全好似將我體內嘅熱氣一掃而空一樣，消暑開胃。

再次嚟 Rasuperman 想食一個 quick late lunch，因為之後要趕住去修甲扮靚靚。Rasuperman嘅冷麵係我不二之選，今次我就揀咗呢款 RMC冷超人麵。三款麵分別有竹炭、綠茶、紅薑粉。除咗鍾意佢嘅麵之外，仲鍾意佢粒梅，用紫菜包住粒梅一齊食係好好味架！塊紫菜可以減輕粒梅嘅酸度，感覺剛剛好。仲有嘅就係燒得脆脆嘅豚腩....正！

搵日一定要去試埋另一款番茄湯刨冰冷麵！