阿嫂慶生飯 @ 順壹日本料理

呢日嚟到跑馬地呢間新開嘅日本料理店同阿嫂慶祝生日。食店位置响一條小巷內嘅盡頭，感覺有啲似响台北西門町那些巷內嘅食店。但它放咗一個大嘅易拉架响巷口，所以亦都唔難搵到。

先嚟一盤魚生刺身拼盤，每一件魚生都非常厚切，帶子、牡丹蝦亦好大隻。刺身新鮮，牡丹蝦嘅蝦頭滿滿嘅蝦膏，非常滿足。

這個月份係秋刀魚季節，怎可以不來一客秋刀魚刺身呢？薄切嘅秋刀魚味道比較清淡，只要蘸著薑蓉蔥花，加上少少豉油已經可以食出秋刀魚嘅鮮甜魚味。

燒鰻魚燒得恰到好處，外皮香脆，燒汁嘅稠度及甜度亦適中

這隻北海道鱈場蟹真的唔少惹，超大隻嘅鱈場蟹，肉質非常鮮甜。

每次食日本菜，我都好喜愛食炸軟殼蟹手卷，這個軟殼蟹炸得剛好，絕無油膩嘅感覺。

生日又點能夠無生日蛋糕呢，專誠去買咗兩個生日蛋糕，兩個蛋糕都好好味，絕對係大滿足。

鮮果維也納

芒果脆脆

生日飯 @ Pizzazaza

同朋友食慶生飯，揀咗嚟 Pizzazaza 食，今次唔係第一次嚟呢樹食，但每次嚟我都會選擇一啲之間無食過嘅食物。

先嚟 appetizer....沙律巡禮

呢個沙律好得意，真係好似食緊肥皂泡咁，肥皂泡下面有脆脆嘅露筍。我好鍾意脆脆嘅嘢，所以特別鍾意食沙津菜，佢哋菜全部都係脆脆嘅感覺。

Main course 到，今次揀咗黑豚肉 pasta 同墨西哥辣肉腸pizza

佢嘅辣唔係一般嘅辣，佢係有啲酸酸辣辣嘅味道，辣得嚟係會令人開胃，簡直係食完想再食。

食完 main course，當然唔少得甜品啦。可能因為本身鍾意飲咖啡嘅關係，所以特別愛呢個咖啡甜品，佢係非一般咖啡嚟架。雪糕上桌後，佢哋會响你面前將咖啡淋上雪糕，唔只有得食，仲有埋視覺效果。

呢個滿滿嘅栗子味道，都好令人憐愛架！