大閘蟹粉魚子醬醋牛角三文治 @ Urban Bakery

早前得知 Urban Bakery 由今日開始發售預訂嘅大閘蟹 croissant，作為大閘蟹痴嘅我當然好想試下啦！即時 message 咗去落 order，响國慶日食個大閘蟹牛角三文治慶祝下。

當去攞 order 嘅時間，師傅為我即時製作這個牛角三文治，將大閘蟹粉作饀料放入crossiant 內，再放上魚子醬响面，製成品就出現响眼前喇！

大家都已經習慣咗所有食物上枱，都係相機、電話先食外表，再到人去試內在！所以付款時，職員都很細心問需唔需要影相，當完成製成品後，佢哋會將 crossiant 放上櫃台讓你影個近照，之後先放入盒給你帶走。

 

 

Urban 嘅 crossiant 不用多說，外表鬆脆，可能用咗大閘蟹粉做饀料，所以唔會覺太重嘅牛油味。至於大閘蟹粉饀料，唔知係唔係大閘蟹仍然未到時候，我唔係太食得出大閘蟹嘅味道，當然大家亦不防一試。

 

如果大家想試的話，記得要預早2日前要訂，佢哋每日限量發售10個架咋！

辣辣雞煲邊個食 @ 陸陸雞煲

今次係第二次食雞煲，永遠覺得食雞煲唔可以得兩個人去食，因為食得個雞煲，就食唔到其他嘢！所以一定要約埋三五知己一齊去食。

今次一行五人嚟食雞煲，叫咗個小辣，隻雞好好肉，完全入哂個醬汁味。不論係邊一部位，每一件雞都係好嫩滑，一啲都唔鞋。

呢外再叫幾款打邊爐材料，好開心可以有響鈴食，但唔知係唔係條響鈴太大，中心位唔係好入到味，可以細條番少少會好啲。雖然浸咗啲係可以入到味，但浸得太耐，佢又會變得無咁好食，所以都係細條啲好。

雖然唔係咗好多隻，我哋又有五個人，但都超爆，因為個雞煲真係有好多件雞架！