The Egiht 8餐廳

對8餐廳嘅菜式並不陌生，雖然唔係第一次嚟，每一次都會帶來新驚喜及有機會找會過往味道嘅回憶。

炭燒露荀豚肉卷拼玫瑰蜜汁叉燒，嫩滑嘅蜜汁叉燒，大大件仍保持住肉汁嘅香味，還帶有少許燶邊。

錦繡玉鴛鴦與每年年頭食嘅“撈起”一樣，正所謂“撈起”“撈起”，撈到風山水起，大家每年都希望是這樣吧！這款撈起嘅材料有別於平時大家所食，有鴨肉、哈蜜瓜、蜜瓜、芒果、合桃，配上特備嘅醬汁，味道相當配合呢！

鮑魚響螺燉竹絲雞 ~~ 原隻鮑魚絕對吸引，再加上新鮮響螺。一個清甜滋陰湯水，沒有一點油滴。

日本A5和牛西洋菜卷，第一次試這樣的配撘，爽口嘅西洋菜配撘煎香嘅和牛，只有西洋菜當做時才可食到呢！其他季節會換上其他菜類。

貌似普通嘅京都肉排，但其實一啲都唔普通。經過一輪相機食先後，一咬之下鏗鏘有聲，外層仍然非常清脆。內層嘅豬扒切得薄身，保持了肉質嘅鬆化。外層嘅甜酸汁令人即時開胃。

脆炸茶香龍脷球，很有立體感嘅一道菜。魚身做成魚球，吃下口絕無油膩感覺，很香脆嘅口感。

脆皮藍天使蝦百花琵琶雞，少有餐廳會選用藍天使蝦打成蝦膠。雞件嫩滑，雞皮亦片得超薄。

八寶鵝~~多數餐廳用都係鴨，鵝比鴨來得更加肥美，鵝內嘅餡料更是塞得滿滿！

乳豬焗飯，內層包著飯焗製，外皮香脆，肉質夠嫩，包著軟綿綿嘅飲粒，非常入味。

奶皇人參酥，外型真的好像一條肥肥嘅人參。內裡是奶皇餡，配著炸得鬆脆嘅酥皮！

Paul Lafayet ~~ 我的喜愛甜品

甜品一直都不是我杯茶，食自助餐甜品部份永遠係一次起兩次止，macaron更係敬而遠之，佢實在太甜，受不了！

直至我遇上Paul Lafayet後，我喜愛上佢嘅 macaron，今次有幸被邀請品嚐佢哋五月嘅新甜品，真的超開心！

當晚試了新推出嘅甜品 Verrine，分別有芒果同士多啤梨味可以選擇。

芒果味以海綿蛋糕作底層，加上芒果 mousse同芒果啫喱

而士多啤梨就以手指餅底作底層，加上士多啤梨味 syrup & confit

兩款味道都加上 crumbles 於面，令每一啖軟滑中加上口感。兩款 Verrine 都不會太甜，芒果味來得清淡，士多啤梨味就酸中帶甜。喜愛那一款還真的要看你對那種味的鍾愛情度，我自己就比較偏愛於芒果味！

自己對朱古力不是太熱愛，但這款甜品我就尤其鍾意，唔知係唔係因為佢帶有酒味呢？Cognac tart ~~ 只需看到它的名字，大家已可以知道它帶有 cognac 味道，當然酒味不會太濃，但剛好給朱古力帶來一個化合作用。如果你係鍾意飲酒的話，這個一定不能錯過！

過往只係試過佢嘅 macaron 同 Berries and Macaron Tart，看來以後可以多試試它的其他甜品！

Angela's Cafe

每次去澳門都係吃喝玩樂，但從來都只係在街道上走動覓食，而不會走進澳門百貨商場行逛 。今次走進澳門八佰伴內嘅 Angela’s Café，試下佢嘅三文治。



如果你未能從餐牌上10多款不同嘅三文治中選擇，你可以自創你獨有嘅三文治款式。未計三文治餡料，單單麵包嘅種類選擇已經有13款之多，總會找到一款適合你！自選三文治還可以選擇你喜愛嘅饀料、醬汁，以及伴菜。

嚟安琪兒不可不食佢嘅菠蘿包，不是普通嘅菠蘿包，係夾著鵝肝牛油嘅鵝肝醬牛油菠蘿包。菠蘿皮酥脆鬆化，配著奸惡嘅鵝肝牛油，絕對係不能錯過嘅美食。

食三文治當然要試特式公司三文治。但這裡的三文治與香港式公司三文治好像有些分別。這樣一串原來只係一份，相等於港式嘅兩份，真的大得誇張，要將它拆解都有一定難度。三文治內有燒雞肉、煙肉、火腿、瑞士芝士、蕃茄、烚蛋、洋蔥、酸青瓜和生菜，真的超豐富嘅公司三文治。

這裡除了三文治外，還有甜品供應呢！這第八奇景能想像是什麽嗎？看似一個西瓜盅，但其實內裡有八球嘅 Haagen Dazs雪糕，再配上西瓜和哈蜜瓜，而只係賣 $145。它的份量我相信足夠八人共食！

這裡除了三文治款式多外，飲品選擇亦不少。我就揀選咗這杯 Ginger Tea Latte 香滑鮮奶薑母茶，帶著微香嘅薑味，襯托著香滑嘅奶茶，喜歡薑母茶的你，一定要選它。



下午茶時段，仲可以選擇食佢哋嘅三層英式下午茶呢！



看看我們吃了這樣一桌子三文治，就可以想像我們有多滿足呢！

火辣熱爆登場 ~~~ 自助山

去澳門食自助餐，大家第一時間想起嘅一定係新葡京嘅自助山，當知道自助山不再出現於新葡京時，都是連番可惜。大家可能仍在緬懷佢嘅時候，佢已經不知不覺間响香港登陸，座落於香港嘅地標 --- 合和中心62樓嘅旋轉餐廳。

餐廳設有九部自助式餐酒機，只需要購買一張儲值卡，就可以品嚐多款不同嘅紅白葡萄酒、香檳、日本清酒，應有盡有，總有一款啱你！

自助山 --- 這個「山」絕不是虛名，佢嘅食物種類可以話包羅萬有，簡直係會令你目不暇給！餐廳亦保持佢哋嘅「即席烹調」，令客人可以品嚐到食物嘅新鮮可口！

冷盤海鮮有令人唾涎三尺嘅麵包蟹、長腳蟹、波士頓龍蝦

還有即開生蠔，每晚都會有三款給大家選擇

冷盤出色，熱點亦絕不欺場，先嚟一個即炸天婦羅，餐廳設有一個天婦羅專用炸鍋，即叫即炸，保証新鮮！

再嚟就有即場鐵板燒，有燒羊架、鵝肝等等！不怕膽固醇超標，絕對可以不斷添食！

食過咁多自助餐，從未見過會有即灼游水蝦！食客可以從魚缸即撈新鮮活蝦，再交廚師即場白灼，絕對新鮮！

另一推介 ~~ 烤肉眼扒，這個原條肉眼扒，外面微焦，肉質依然保持肉嫩多汁。大家記得要留胃食，唔好錯過先嚟後悔呀！

除了以上熱食外，還有各類燒味、烤燒豬，印度咖喱等等。種類之多，實在難以盡錄！

最後唔少得嘅當然就係甜品啦！甜品中最震撼嘅一定係這座金光燦爛嘅花式朱古力噴泉，不論你喜唔喜歡朱古力，都絕對會對它感興趣。

另一甜品焦點就係炒雪糕，選擇你喜愛嘅雪糕，加上你喜愛嘅配料，甜品師傅就會即時在你眼前製作這味炒雪糕。如果唔喜愛炒雪糕的話，其實簡簡單單一個雪糕球都已好好味！

自助山已經响香港出現咗火爆熱潮，整日訂座電話響著。網上訂座亦以千位數字累積，萬位數字亦不遠矣！每日餐廳內排隊訂座亦絡繹不絕！真的可以話係一位難求，嚴重過訂演唱會票！

有水準嘅日本菜@嵯峨野

多年前，一位舊友同我哥哥都好鍾意嚟呢間酒店食buffet，但這間日本餐廳就未有試過，這晚有幸可以一嚐這裡嘅日本菜，帶給我不少驚喜呢！

先來係前菜鮟鱇魚肝，它有海底鵝肝之稱，更有清熱解毒嘅美膚作用，我作為一個鵝肝女子，當然要品嚐一下啦！跟鵝肝相比，它帶有鮮魚嘅鹹香味道，但少了油膩感覺。

少有看到連殻上嘅鹽燒銀杏，平時唔太愛好食銀杏嘅我，因為總覺得它有一份澀味，但日本銀杏就完全無這份澀味存在，香甜之餘帶著少許鹹香，絕對係送酒佳物。

強大陣容出現眼前，就係這個令人目不暇給嘅刺身拼盤，當中有絕不能少嘅吞拿魚、帶子刺身，還有令人垂涎三尺嘅北海道海膽、肥美鮮甜嘅牡丹蝦、時令嘅秋刀魚。完整嘅海膽香滑幼細，味道清甜，簡單配以紫菜已極其美味。魚脂豐富嘅秋刀魚，帶有濃郁嘅魚香，肉質彈牙爽滑，配以醬油薑蔥去除偏濃嘅魚腥味。

望似普通嘅芋頭煮物，但其實一啲都唔普通，佢係日本有名嘅海老芋頭，少有可以响日本餐廳品嚐到。海老芋頭質感較一般芋頭軟腍粉嫩，味道清甜，可以話係一吃難忘。

海膽燒帶子係今晚嘅另一道海膽菜式，鮮味嘅北海道帶子，配上清味嘅海膽，可以話係天衣無縫。

秋刀魚刺身後，剩下嘅魚骨用來作酥炸魚骨，香脆可口，又是另一送酒佳物，不消一瞬間已被清掉。

跟住可以話係當晚嘅重頭戲，就係有一斤多重嘅汁煮喜之次和鹽燒喜之次。鮮甜嫩滑嘅汁煮喜之次配撘甜醬油，完全帶出咗佢嘅魚油香味，同時平衡它嘅油膩。我這個不喜吃魚的，都要吃上兩口。

外層燒得香脆嘅鹽燒喜之次，與汁煮喜之次相比，它的魚用變得清淡，反變得不夠特出。

再來還有外表烤得微焦，內層肉質嫩滑嘅鹿兒島嘅A4和牛。

看著它完全想不到是什麼，竟然係糖漬栗子天婦羅！沾上脆漿製成天婦羅，外層酥脆，裏面則軟腍粉糯。

最後係飯後水果甜品，爽口嘅豐水梨，還有極到清甜嘅靜岡蜜瓜，真的禁不住食完一口又一口。

而甜品就有抺茶奶凍，綠茶、芝麻雪糕、以及柚子、桃雪葩。

一間認真烹調、有水準嘅日本餐廳，絕對值得再來！