全家出動飯局 @ 北京好酒樓

好多朋友都向我查詢呢間食店嘅資料，原來網上面係搵唔到有關佢嘅聯絡電話。所以請大家記下以下資料：

地址：北角英皇道310號雲華大廈1樓
電話：2806 0886
泊車地點：華懋交易廣場二期﹝英皇道338號﹞

今晚一家人連阿嫂屋企人一齊去晚飯，一行14人。位於北角Neway樓下，呢間酒樓嘅外觀一啲都唔吸引，但我阿哥就極力推薦。
先嚟小籠包試試先，小籠包內滿滿嘅湯汁，一個唔小心真係會漏湯架！

再嚟一個燒味拼盤，不得不讚佢嘅叉燒，個叉燒邊係有脆卜卜架

再嚟一個蘿蔔絲酥卷，平時酒樓食半件我都覺溜，但今日食咗整個，都未有溜嘅感覺。佢個size仲要係比平常酒樓嘅大

天麻燉龍躉骨，對於我呢啲成日頭痛嘅當然要飲多兩碗啦

 

因為小朋友多嘅關係，都要叫番幾味啱小朋友食嘅餸菜，但原來個XO醤花蚌佢哋食唔到，對佢哋小朋友嚟講....太辣鳥

  
  

不得不提呢味豉油皇老虎蝦，真係超大隻，又好味

 

今日廚師已經交提今日隻鵝比平時無咁靚，因為我哋實在太遲訂喇，佢哋日頭已經差不多沽清，呢隻係之後再幫我哋準備，無平時嘅好味，仲要只係得半隻咋....下次真係要早啲打去訂

今晚有兩款飯，因為老哥貪心，兩款都想試。我特別鍾意個泡飯，脆脆嘅泡飯特別好味

 

香蕉擂沙麭，廚師失手咗...個底燶鳥

老哥話上次食啲黑芝麻係有流沙嘅效果，但今次over cook...希望下次再嚟食，可以食到流沙效果