往事只能回味的抹茶紅豆 @ Starbucks

今日帶樺樺去排舞，要响港島區停留3個鐘之久，所以一定要搵啲地方消磨下時間。

今日有專責司機阿哥嘅關係，所以我先提意去西營盤嘅一口齊買霖霖鍾意食嘅雞蛋仔。



之後嫲嫲見到有夾餅又話要食，我本屬意買原味花生醬、奶油味，但嫲嫲同朱古力怪霖霖都一定要食榛子朱古力味，作為霖霖粉絲嘅我， 一定順應霖霖要求啦！

之後就再去咗 Starbucks，諗住飲番杯我至愛嘅抹茶紅豆啦。。。點知原來已經唔再有得飲喇 

剛好嘅紅豆再加上抹茶嘅味道，簡直係 perfect…好可惜....往事只能回味！