餓底生日聚 ~~ Add @ Prince Hong Kong Hotel

我哋有個班底叫餓底，每個月都會為餓底會員攪生日會。美其名係生日會，其實係搵個名目出嚟食吓嘢、吹吓水。

呢個月到茄媽媽生日，佢最鍾意就係食 buffet，今次就揀咗 Prince Hotel 嘅 Add 食 tea buffet，主要因為鍾意佢有任食 Movenpick 雪糕。

 

除咗雪糕外，其實佢都有唔少嘅食物，仲要係我鍾意食嘅嘢添。。。一開始當然食我喜愛嘅海鮮冷盤啦！啲海鮮都幾新鮮，唔錯！



壽司加刺身都好新鮮，但個三文治就略為乾咗少少



好開心有碗仔翅食，材料十足



只係揀咗三款熱食，唔係因為佢無乜熱食揀，而係本身我食 buffet 都唔太好食熱嘢。。。今次好少有地咁揀咗條魚食，估唔到又幾鮮甜喎



食甜品前，要多一碗魚蛋加菜先，對於一啲湯類嘅食物我都係無任歡迎



我無揀其他甜品食，只係食咗雪糕。其實我食咗三球雪球，但原來後來嗰兩球掛住食，都唔記得影相。佢唔單止個雪糕好味，連佢嘅 waffle 同脆餅底都好好味呀！