高檔越南菜 @ 安南

香港有不少越南餐廳，但大多都係大眾化路線。响銅鑼灣利園就開咗一間走高檔路線嘅越南餐廳，這日就約咗朋友嚟呢樹食生日飯喇！

雙式扎肉粉卷 ~ 粉卷皮做得十分薄，饀料切得非常幼細。入口非常清淡，而粉卷皮亦很滑溜

順化浮萍餅 ~ 第一次食這味越南菜，聽聞係順化嘅街頭小食，如果這個浮萍餅係浮於小碗上的話，感覺就好似係我哋嘅街頭小食砵仔糕一樣。可能我食嘅時候已經放咗好一陣子，所以粉漿變得好縭隻碟，弄起時有少少難看，如果即時食的話應該會好啲。這個浮萍餅最愛的就是粉漿上的脆麵包粒，加上蝦肉、蔥粒，好香口。

安南春卷 ~ 春卷香脆不油膩，不錯

牛腩湯河 ~ 因不太好牛腩，同時佢係蕃茄湯底，所以都無乜點食過。佢嘅蕃茄湯底非常濃郁，喜歡蕃茄湯底嘅朋友，值得一試

安南牛肉湯河粉 ~ 每次去食越南菜，牛肉湯河係我必叫嘅湯粉之一，這裡的湯底濃郁清甜，真的不錯

荷葉飯 ~ 這個荷葉飯比我預期中唔夠乾身，係唔係越南人食嘅飯都係比較濕呢？但我就不太喜愛喇！