一星米芝蓮「The Kitchen」@ Grand Lisboa Hotel

去新葡京試菜唔係第一次，但 The Kitchen 就係首次。响2014年榮獲米芝蓮一星嘅殊榮，餐廳不單有頂級嘅牛扒，仲有新鮮美味嘅刺身拼盤，琳瑯滿目嘅沙律吧給客人選擇。  

這日除咗試咗佢哋嘅刺身拼盤、沙律吧、幾款小食外，不可少得嘅當然有佢哋出名嘅牛扒 - 澳洲七級和牛、仲有我最愛嘅雞胸釀鵝肝。  

沙律吧提供超過廿多款嘅蔬菜類食物，而所有蔬菜都係選購自不同國家，而且絕對新鮮。喜歡吃蔬菜嘅朋友，真係可以只係食沙律吧都已經可以填飽肚。

  

 

 

這道貝類雜錦刺身拼盤，賣相已經非常吸引。但真無想過一間扒房，都可以食到鮮甜嘅海鮮同刺身。  

嚟得 The Kitchen 唔可能唔試佢嘅牛，今次請揀選咗澳洲七級和牛。肉質嫩滑佈滿肉汁，鮮嫩而不韌。根據公關指點，原來和牛最好係煮到七分熟，就更能鎖住肉汁。  

食友們都知道我好食鵝肝，逢有必點，所以這次亦絕不錯過。雖然這裡是以牛扒聞名，但這道雞胸釀鵝肝絕不比牛扒遜色。肉質意想不到嘅鮮嫩，再加上入口即溶嘅鵝肝，到今日仍然回味之中。

最後當然少不了甜品為呢個豐富嘅午餐畫上一個完美嘅句號啦！