辣辣雞煲邊個食 @ 陸陸雞煲

今次係第二次食雞煲，永遠覺得食雞煲唔可以得兩個人去食，因為食得個雞煲，就食唔到其他嘢！所以一定要約埋三五知己一齊去食。

今次一行五人嚟食雞煲，叫咗個小辣，隻雞好好肉，完全入哂個醬汁味。不論係邊一部位，每一件雞都係好嫩滑，一啲都唔鞋。

呢外再叫幾款打邊爐材料，好開心可以有響鈴食，但唔知係唔係條響鈴太大，中心位唔係好入到味，可以細條番少少會好啲。雖然浸咗啲係可以入到味，但浸得太耐，佢又會變得無咁好食，所以都係細條啲好。

雖然唔係咗好多隻，我哋又有五個人，但都超爆，因為個雞煲真係有好多件雞架！