豬豬宴 @ Catalunya

一直以都聽到不少食友對呢間西班牙餐廳讚不絕口，特別係佢燒豬係必食 dishes 之一。呢間餐廳絕對唔易訂位，我已經預早一個月去訂，但都只係訂得早段時間，2030果段已經爆。雖然去完日本狂食後發福不少，但咁難得先訂到位，無理由唔去食架！一於好少理，呢晚就約大少奶、車人同靈魂繼一齊去食好。



放大假後遺症係你工作會變得堆積如山，1830去到灣仔，對我講係有少少 mission impossible，最後我都係遲半個鐘先去到。慶幸朋友仔已經點好哂食物，坐底一陣就已經有得食喇！



先一個 Estrellados，scrambled egg on a potato egg。Estrellados 西班牙文解釋係“繁星點點”，同個食物好似有少少不著邊際，唔通果幾點茄汁就係繁星。焗過薯仔帶著少少脆口，吸去部份水份，食落感覺無咁飽肚。



再一個小食，Ham、Cheese and Truffle “Bikini”，呢個 toasted sandwich 我之後再 echo 多一次！以前澳洲讀書時候已經超鍾意食 ham and cheese toast，每朝都會幫襯 canteen 買一份。今次呢個bikini就更加歡喜，因為佢除有 ham and cheese之外，仲有松露在內，每一啖都有好香松露味道，令人一吃難忘。



最後係必食 dishes Suckling pig，我仲另外叫個 side dishes 燒菠蘿一齊食。雖然佢係一隻BB豬，但一都唔騷。肉就夠滑又林，皮薄且脆。燒過嘅菠蘿一都唔乾，仍然非常juicy！

 



4個人唔好可以叫到太多食物，見到隔離parma ham同pizza都好似好好味，一要搵日再食過。