芝士蛋糕 @ 東海堂

大家喜歡食芝士嘛？芝士蛋糕又如何？還記得以前有一間餅店開始時只賣芝士蛋糕，但已經賣到好出名，每日都大排長龍。但我呢啲賴人永遠會等熱潮過後，無咁多人時先會去買。

芝士蛋糕嘅瘋狂熱潮雖然已經過去，但間唔時仍然會希望買個芝士蛋糕來治下心癢。但大家對芝士蛋糕嘅要求已經越來越高，一個普通嘅芝士蛋糕已經唔可以滿足大家嘅要求。

最近東海堂就推出咗3款不同嘅芝士蛋糕，但佢哋都有一個共通點，就係用咗高質素嘅芝士去製造。

濃烤芝士蛋糕

選用咗榮獲日本1等賞芝士殊榮嘅花畑濃烤芝士製作

外層金黃微燶，散發濃郁香氣且口感細緻，每口滿載香濃芝味

日式梳乎厘芝士蛋糕

以榮獲2011年「ALL JAPAN Natural Cheese Contest」優秀賞嘅金文畢芝士製作

蒸焗出嚟嘅梳乎厘芝士蛋糕口感鬆軟輕香，芝味輕盈不膩

海綿芝士蛋糕

同樣以金文畢芝士打造而成嘅海綿芝士蛋糕，入口輕柔綿潤，質感細緻幼滑

啖啖輕巧芝味，甜度恰到好處