煲仔飯 @ 天后尚囍

踏入秋冬，又係食煲仔飯嘅時候。絕大部份煲仔飯都係用煤氣爐煮，炭爐煲仔飯唔係處處可以食到。呢日食友相約一齊去天后食炭爐煲仔飯，剛好當日天氣突然轉涼，簡直係時間剛剛好。

臘味煲仔飯 ~~ 臘肉唔會太硬，如果條臘腸可以原條上，整條扯住食會更好。而個飯可以再乾身少少就好喇！

白鱔田雞煲仔飯 ~~ 自細就好鍾意食田雞煲仔飯，每次見到有田雞煲仔飯都一定會叫。今次仲加埋白鱔，過往唔太多食白鱔。今次嘅白鱔煮得夠乾身，食過又過得幾好食喎！下次過食煲仔飯又可以多個選擇喇！