一家人 High Tea @ Le Soleil

一向都喜歡相約朋友一齊去 high tea、食下午茶，雖然我唔太好食甜點，但有一個舒服嘅環境，食下嘢、吹下水，夫復何求？

英式下午茶食得多，越式下午茶就第一次食。越式下午茶其實就係將一些越式小食製作成一個 tea set，當然都係有甜有鹹啦！

外表炸得香脆嘅西貢春卷，而內裡係清爽嘅蔬菜餡料。

炸得酥脆嘅蔗蝦，內層係爽口嘅蝦肉。

有兩款米紙卷，分別係燒豬柳米紙卷、軟殼蟹米紙卷，唔係太食到燒豬柳嘅味道，唔講我會以為係蔬菜米紙卷。個人比較喜歡軟殼蟹，炸得香脆的軟殼蟹，配撘著清爽嘅米紙卷，煙韌之餘帶點脆口。

想不到有我喜歡的鵝肝三文治，煎得外層香脆嘅鵝肝，入口即溶。

不是太好甜點的我，因為很怕那那太甜嘅感覺。但這裡五款甜品，食了其中四款都不會太甜，對我來說是剛剛好味道。馬卡龍真的不敢去試，怕會太甜。蝴蝶酥尤其出色，香甜酥脆，唔會有太重嘅牛油味。