美味居酒屋 @ 權八

權八這店聞名已久，一直希望有機會來一試。這天有幸被邀請來試菜，難得又可以與一班食友聚舊，當然應邀到來啦！

試菜當日適逢係香港店開業一週年，每位賓客都可得到一個精緻嘅木製合杯一個！

餐前小食先來一籃枝豆，談談話、說說笑，就會不知不覺越食越多，係送酒良伴！

這個和風薄餅用一般日本薄餅好唔好，因為佢嘅皮係用餃子皮做成，煎得香脆好味！

看似簡單嘅一個刺身拼盤，但就有牡丹蝦、大拖羅等等。刺身鮮甜、大拖羅入口即溶，絕對係一個出色嘅刺身拼盤！

這道菜上桌時，還以為是豆式炸豆腐，但看真又好似不大像。後來公關介紹這是炸豚肉薯球。炸得香脆嘅外表，內裡係滑溜嘅薯蓉，再夾雜著豚肉粒，令薯蓉變得更香口。

嚟權八當然不得不食佢哋出名嘅串燒啦！

第一次見綠色嘅烤銀杏，但味道同平時黃色嘅烤銀杏無分別。平時不太好食銀杏，但我又可以接到烤銀杏嘅味道，而且覺得味道不錯。

爽口嘅烤杏鮑菇，配上少許嘅鹽變得更加惹味。

入口即溶嘅日本牛肋肉味噌燒

肉質鮮嫩嘅宮崎和牛青椒

爽口嘅烤牛舌永遠是我的最愛

烤得微焦嘅烤蕃薯，入口香甜。

這味烤燻芝士，我哋都笑說它的味道似得龍飯店嘅太爺雞，大家也可以想像一下它的味道了。

最後有爽口嘅蕎麥冷麵，雖然已經食到尾聲，但我都將整碗麵食完，可以想像得到佢係幾好味。

當晚以甜品椰汁南瓜白玉子，作為完美終結。