滿懷的 Italian Food @ Don Alfonso 1890

踏入呢間榮獲最高米芝蓮星級食府，不但食物給人星級感覺，連環境都有星級嘅感覺。

 

先嚟各類麭點同小吃蝦肉作為開始，個蝦肉一入口就感覺佢嘅清新感覺，非常鮮甜。

 



炸朝鮮薊伴水牛芝士、薄荷汁、黑松露及銀魚柳，薄荷汁中和咗水牛芝士變得無咁膩。而黑松露係原隻刨出嚟的，所以比平時經過精製而成嘅較淡味



南意大利有機蕃茄湯配鮮蟹肉及香草，這個有機蕃茄湯相比平時嘅蕃茄湯好唔同，入口非常清甜。配上鮮蟹肉，令蟹肉更覺鮮味。湯係响上菜時即時倒上，以確保佢嘅溫度。看著湯除除倒下，照相機拍攝下的畫像，就好像一幅藝術品一樣。

 

 



公闗特別額外為我們準備咗兩款餐廳出名嘅意粉，縲絲粉配地中海蜆及黃瓜、Don Alfonso 意粉。縲絲粉同平時食嘅好唔同，平時食嘅都係短短嘅縲絲粉，但這裡嘅縲絲比正常 spaghetti 仲要長。好怕食意粉 over cooked，食落口會好似一 pat 嘢咁。這裡的意粉煮得剛剛好，非常煙韌，好有咬感。

 

有時會好怕食意大利飯，特別係白汁嘅意大利飯，因為會好膩。通常我見到係蘑菇汁嘅先會叫，我覺得蘑茹汁嘅意大利飯係特別好味。今次呢個杏仁意大利飯配西西里紅蝦、白胡椒及芝麻菜雖然唔係蘑茹汁底，但佢有好香嘅杏仁味道，仲一啲都唔膩。



意式鹿兒島和牛配三式醬汁：青水欖、蕃茄及辣根，和牛嘅熟到剛到好處，配合三款醬汁恰到好處。



甜品前有個 pre-dessert，有青檸雪葩、黑朱古力 mousse 同埋車厘子。青檸雪葩完全令我精神為之一陣，整個人都變得精神奕奕。雖然唔好食朱古力，但這個黑朱古力 mousse 不太甜，對我嚟講剛剛好。車厘子竟然係去咗核，但仍然保持住車厘力原有形狀，這份功力真係不禁讚嘆。



Neapolitan 脆葉釀玉桂忌廉及櫻桃非常鬆脆，絕對係一眾甜人們嘅恩物。



杏仁慕士配黃梅、玫瑰雪葩及香草入口時，即感覺到一陣玫瑰嘅清香，就好像吃著玫瑰花瑰一樣。杏仁慕士非常幼滑，對於我這個不太好甜嘅人，這個甜品對我係極品，可以品嚐到當中少少的甜，多多的清新感覺。



最後品嚐咗這裡出名嘅 espresso，入口香濃給我往後嘅時間打起精神。