今晚有幸嚟到首間响香港開業嘅 School Food 試菜，佢令我對韓式卷物多咗一份喜愛。之前响其他韓國食店食到嘅卷物，我會用 “統一” 嚟形容，每一間嘅外觀都好似唔太大分別，連味道都感覺係一樣。但今晚我終於見識到原來韓式卷物都可以有咁多樣化，味道仲要係碟碟不同。
今晚一共食咗五款卷物，分別有用墨汁飯嘅烏卒卒、反蛋卷、炸蝦卷、用咗午餐肉嘅紳士卷同埋校園花卷。我最鍾意食嘅就係帶有少少辣味嘅烏卒卒，好似一隻黑蟋蟀。
除咗卷物五花八門外，連飲品都色彩繽紛，我最意就係顏色最特別甜心鳳朵艾菲！其餘嘅分別係棉花糖草莓艾菲、紅寶石橘子艾菲同埋熱情香芒艾菲，大家試下做配對，睇下配得啱唔啱？
另一樣我最愛嘅。。。韓式年糕，佢仲有魚片架。。。好辣呀，但係又好好味喎！佢啲辣仲要係慢慢咁滲出嚟架！第一下唔覺太辣，但慢慢就辣到飛起。。。我鍾意！唔食得辣嘅可以選擇卡邦尼年糕或廚師卡邦尼年糕。前者同大家平時食嘅卡邦尼意粉唔太大分別，只係由意粉變咗係年糕；而後者係加咗韓式醬油同埋韓式粉絲，感覺上可以一次過滿足哂兩個願望，而個韓式醬汁令個卡邦尼汁變得較稀，更好味！
原來韓食都有冷麵架。。。仲要係帶少少辣味嘅牛骨湯底冷麵。好鍾意佢嘅麵質同埋湯底，清涼得嚟又帶少少辣味
再嚟一味脆雞伴大蔥沙律，真係食到無停口，又到食飯嘅時候。。。
再嚟四款飯，醬菜牛油鐵鍋飯、泡菜牛油鐵鍋飯、太陽泡菜炒飯、煙肉卷蛋飯；如果鍾意牛油嘅你，你一定要揀醬菜牛油鐵鍋飯。我就揀泡菜牛油，有泡菜嘅辣味，同時仲有少少嘅牛油味。
最後上嘅係甜品，石頭鍋飯大家就見得多喇，石頭鍋雪糕大家又見過未？俾個機會你見下，佢就係部隊刨冰喇，雪糕係嚟自 Movenpick 嘅朱古力、雲呢拿、特濃咖啡、草雪糕伴紅莓 & 焦糖醬，係唔係好想食呢？
今晚絕對令我見識到韓式食物嘅另一面，真係好滿足嘅一晚！
沒有留言:
張貼留言