宏

耐不耐就會到朋友响 facebook post 嚟呢到食嘢嘅相，令我好有衝動嚟試下。後來上 openrice 搵佢個地址，發覺原來佢初開舖嘅時候已經入去望過佢嘅蛋卷，因為間唔時都會隔離舖嘅松記食糖水，等位期間就會入去望一望。



呢日的起心肝要嚟食，但一個人其實又唔可以食到好多，所以一早安排咗當日只係食咗早餐，留待晚餐嚟試佢嘅蛋卷同芭菲。



晚飯時間又唔可能只係甜品，唔食正餐，所以要咗一個最簡單嘅撈烏冬。麵質都幾滑，唔錯。



之後當然係要食呢到嘅主打啦。。。抹茶蛋卷，抹茶忌廉都幾滑，同埋好香抺茶味，蛋卷亦好鬆軟。整個蛋卷唔太甜，唔會太漏，可以有空間俾我試埋下一個甜品。



最後叫埋佢另一主打嚟試。。。抹茶芭菲，頂層可麗餅插於抹茶雪糕上、再嚟抹茶糯米糍、吉士醬、抹茶啫喱、忌廉，最底層就係粟米片。食到抹茶啫喱那一層還可以，但到忌廉一部份已經有啲頂唔住，可能唔太好食忌廉，所以會感覺有少少漏嘅感覺。但奈何我又想食佢嘅粟米片，唯有盡量挑到最底去攞粟米片食。整杯芭菲最鍾意食就係抹茶雪糕、糯米糍同抹茶啫喱。