沙甸魚清酒宴 @ Hokahoka

一直以嚟都以為沙甸魚只係罐頭嘅方便食物，而我亦從來未曾食過。因為印象中，罐頭沙甸魚都係油浸或茄汁，兩樣都唔係我鍾意嘅食法。繼上個月食過秋刀魚清酒宴後，今個月 Hokahoka 就預備咗時令嘅沙甸魚清酒宴，今次可以真正品嘗到沙甸魚嘅甘香清甜。

除咗沙甸魚係今晚嘅主角外，當然唔少得同沙甸魚相配嘅日本清酒啦！今次就選用咗加賀の月 純米大吟釀，入口順滑，唔會有刺喉嘅感覺。

先嚟一個餐前小食 清豆卜蒟蒻

前菜：薯仔沙律

自家製作嘅薯仔沙律，非常幼滑兼且好香薯仔味

刺身：沙甸魚

這晚嘅沙甸魚非常大條，魚味非常濃郁，加一些薑蔥可以去除腥味，亦可以提升魚味

壽司：金目鯛、糸縒錭

較重魚油嘅魚類，入口即溶，但因之前食咗較重味嘅沙甸魚，這個壽司反而不太感受到佢嘅味道，如果兩者雙掉換次序食會較好

酒肴盛合：唐揚川海老、腌泡沙甸魚、吉列里芋、穴子舞茸天婦羅、味噌大根

這些都是配清酒嘅小食佳品

海老炸得香脆

這個腌泡沙甸魚嘅角反而係响沙甸魚下嘅洋蔥絲，洋蔥絲吸收咗沙甸魚嘅魚香，加上少許嘅酸味，開胃之選

很喜歡這個吉列里芋，軟綿綿嘅里芋，口感似中秋節時食嘅芋頭仔。多些醬汁的話，就可以伴著醬汁一齊食，味道會更好

穴子肉質非常嫩滑，舞茸新鮮香脆，只係略為油咗少少

味噌大根，日本大根十分清甜，味噌味道令佢變得更甜

魚料理：燒雷魚

用鹽醃製咗一整天，令魚味更香。魚肉嫩滑，魚邊位置更係香脆好味

燒物：素燒帆立貝

十分大隻嘅帆立貝，用咗沙律醬來燒，食落嘅感覺有啲怪怪

食事：月見稻庭烏冬

將蛋黃混與湯混和一起，滑滑嘅烏冬夾雜著一陣蛋香，令我將這個烏冬見底