又一新歡甜品 @ 甜牙牙

熟識我嘅朋友都知我唔太食甜點，但我會鍾意食一啲湯水類嘅甜品，例如中式糖水、或楊枝金露等等。

但最近就搵到我嘅另一新歡，就係窩夫喇！但係我又唔太好雪糕夾窩夫食，除非佢嘅雪糕係好好味嘅雪糕就另作別論。但市面上好多甜品店提供窩夫都係會跟雪糕球，所以對我嚟講就唔太啱食。最近發現甜牙牙有其中一款窩夫甜品係唔跟雪糕架，攪到我每次去尖沙咀就心思思想去食。





嚟咗呢樹食三次，三次都係揀咗同一款嘅下午茶餐，呢款茶餐有咩咁吸引我？佢就係焦糖菠蘿窩夫三文治配沙律菠蘿，焦糖配撘菠蘿一齊，中和咗個甜味，帶著甜甜酸酸嘅味道，係我理想中嘅甜品，唔太甜嘅甜品就係我杯茶。



這個套餐還跟一杯當日嘅飲品，三次都係同一款青檸檬薏米水，杯內唔太覺有薏米，有淡淡嘅青檸檬味，正好用來清清食甜品後口腔內嘅甜味。



這間一定會再來光顧，下次一定要試下其他款嘅甜品。