皇之家大姊小籠包

上海菜一直都係我喜愛嘅中國菜之一，除咗喜愛佢嘅飽點外，還有回鍋肉、酸辣湯、上海年糕都係我喜愛嘅上海食物。

呢晚同大少奶去完迪迪尼玩後，經食友介紹，我哋就去咗佐敦嘅皇之家大姊食上海菜。甫坐下，我哋就要咗回鍋肉炒年糕、小籠包同豆腐粉絲湯。之後見到金黃色嘅炸銀絲卷，又再叫咗一客食。

豆腐粉絲湯比較鹹咗啲，唔知係唔係落多咗味精，不過材料就非常豐富，滿滿的一大碗

回鍋肉炒年糕唔會太油，只係略為唔夠辣，辣多少少會更好

小籠包非常濃郁嘅湯汁，超正之作

銀絲卷一定要食炸，蒸雖然好食，但一定唔及炸嘅好味。外脆內軟嘅銀絲卷，最喜愛先掏空飽心，再食脆脆嘅外皮