馥苑海鮮酒家

多次行經這間酒家附近，但就好像沒什留意到佢嘅存在，當然亦未試過到這裡光顧啦。

據食友講，這裡最出名嘅就係佢嘅乳豬，當真是皮薄餡靚。皮燒得脆口酥化，肉質嫩滑，亦不會食得滿口油膩。

呈奶白色嘅足料花膠響螺雞湯，絕對養顏補身之選。

 

  
這是我喜愛嘅菜式之一，川麻爆海螺！大大粒嘅海螺，充滿了又麻又辣嘅味道，喜歡麻辣嘅你絕對不能錯過！

XO醬大蝦球，真的好大隻蝦呀！配上XO醬，清爽得嚟又帶點惹味！

今晚我嘅另一至愛 ~ ~ 水煮牛肉！當一個人可以長途跋涉入將軍澳，係為咗食 food court 嘅水煮牛肉，你就可以估計得到我對佢嘅瘋癲程度。可能我真的太喜歡食水煮牛，這個我略為覺得佢未夠麻辣味道，如果可以更麻更辣，就更好了。

食過多道重口水菜式後，當然要嚟番一啲清新感覺啦！香芹百合黑木耳，這道菜黑色稍為偏重咗，多一些百合、芹菜，色彩上會來得更好。

糯米釀雞翼，外表香脆，內裡有著豐滿嘅糯米，超滿足！

龍蝦日式泡飯，材料豐富，但吃著總覺得欠缺了些什麼？原來就是一般泡飯會配上嘅脆米，雖然它很眇少，但就是不能沒有它。

 

最後就是甜品部份喇！鬆軟嘅黑糖馬拉糕，味道不錯呢！

還有即磨即制嘅蛋白杏仁茶，但杏仁味稍為欠缺了。